KWAZULU-NATAL. – ‘n Motorfietsryer, na raming in sy 30’s, het omstreeks 12:30 vandag gesterf toe hy vermoedelik met sy motorfiets op die M4 uitgeswaai en teen ‘n padreling gebots het.
Garrith Jamieson van ALS Paramedics sê die motorfietsbestuurder het vermoedelik vir klippe in die pad net voor die Himalayas-afrit uitgeswaai.
Met aankoms van paramedici op die toneel het hulle die man gevind waar hy in die pad lê. Hy is dood verklaar.
Die toneel is steeds aktief en die polisie sal die ongeluk ondersoek.
