Die Nasionale Departement van Gesondheid is steeds met MPV-inenting vir meisieleerlinge by openbare, spesiale, privaat en onafhanklike skole besig.
Spanne gesondheidswerkers besoek tot 31 Maart die meisieskole om ‘n enkeldosis van die entstof toe te dien. Gr. 5 – 7 meisies wat 9 jaar oud en ouer is, sal hulle dosis gedurende Augustus en September ontvang.
Die inenting teen die menslike papiloomvirus (MPV) is daarop gemik om servikskanker te voorkom. Ouers, versorgers en wettige voogde word aangemoedig om die toestemmingsvorms te teken sodat meisies nie die lewensreddende inenting moet mis nie.
