SUID-AFRIKA. – ‘n Nasionale ramp is op 17 Januarie ingevolge Artikel 23 van die Rampbestuurwet verklaar weens erge weerstoestande en wydverspreide oorstromings wat sedert laat Desember 2025 verskeie provinsies geraak het. Lewensverlies, skade aan eiendom, infrastruktuur en die omgewing, asook die ontwrigting van basiese dienste, is aangemeld.
Luidens ’n kennisgewing deur dr. Elias Sithole, hoof van die nasionale rampbestuursentrum, het die rampsituasie provinsies soos Limpopo, Mpumalanga, KwaZulu-Natal, die Oos-Kaap en Noordwes geraak, nadat swaar reën, sterk en skadelike winde, weerlig en oorstromings voorgekom het.
Volgens Sithole is die nasionale uitvoerende gesag aangewys om die nasionale ramp te koördineer en te bestuur, terwyl alle staatsorganisasies versoek is om hul rampbestuursmaatreëls te versterk en vorderingsverslae aan die nasionale rampbestuursentrum voor te lê.
Minister Velenkosini Hlabisa sê die klassifikasie maak voorsiening vir ’n gekoördineerde nasionale regeringsreaksie om voorkoming, verligting, herstel en rehabilitasie te ondersteun.
Lees meer hier onder.
