NB-Uitgewers het die kortlys van hulle 2023-jeugboekpryse vanoggend bekend gemaak. Die drukname Human & Rousseau en Tafelberg is by die kompetisie betrokke en sal die wenromans teen die einde van die jaar uitgee.
Skrywers kon vir twee kategorieë inskryf: ’n kinderverhaal vir lesers tussen 8 en 12 en ’n tiener- of jongvolwasseneverhaal vir lesers ouer as 13.
Die kinderverhaal-finaliste is:
Celeste Loriston met Kwini-Lee en die kuberkraker
Karla Cloete met Wikus se wetenskaplike dagboek
De Wet Hugo met Die Doodgelukkige Bure
Die tiener- of jongvolwasseneverhaal se finaliste is:
Fanie Viljoen met Sny hulle in sterre uit
Sandy Schoeman met Chakalaka uit ’n blikkie
Celeste Loriston met Pagama vir die Six
Een wenner sal uit elke kategorie aangewys word. Elke wenner se prysgeld beloop R50 000. Die wenners sal op 15 April 2024 aangekondig word.
Bron: NB-Uitgewers
