LIMPOPO. – Menslike oorskot is Donderdag in ‘n vernietigde puttoilet by ‘n skool in die Ga-Riba-woonbuurt, buite Burgersfort, ontdek.
Brig. Hlulani Mashaba sê ‘n wenk is ontvang waarna ondersoek Woensdag op die skoolperseel ingestel is. Die oorskot van ‘n onbekende persoon is ontdek.
Met verdere ondersoek is ‘n verdagte (45) deur die Tubatse-polisiestasie in hegtenis geneem.
Mashaba sê die identiteit van die oorledene moet nog vasgestel word en forensiese ondersoek sal gedoen word om die oorsaak van dood vas te stel.
Die verdagte sal Maandag 26 Augustus op ‘n aanklag van moord in die Praktiseer-landdroshof voorkom.
Lt.genl. Thembi Hadebe het intussen die gemeenskap vir kalmte gevra sodat die polisie hulle werk kan doen.
Die ondersoek duur voort.
