Die Kagisho-polisie is ontbied nadat ‘n man se lyk Sondagoggend, 17 Maart, deur lede van die gemeenskap aangetref is.
Die polisie het omstreeks 07:30 ‘n oproep ontvang oor die 33-jarige man se liggaam wat in Nobengula straat lê. Die man het ‘n steekwond in sy bors gehad.
Volgens speurder, sgt. Marcio Capkey sal die naam van die oorledende bekend gemaak word sodra die familie in kennis gestel is.
Die oorledende is bekend aan die polisie.
‘n Saak van moord word ondersoek. Nog geen verdagte is in hegtenis geneem nie.
“Ons doen ‘n beroep op die gemeenskap indien hulle enige inligting oor die voorvalle het, ons te kontak by 082 469786,” sê Capkey.
