Lees ook: JK Rowling by polisie aangegee oor beweerde haatmisdaad
NSFAS het gesê hulle oorweeg regsaksie teen akkommodasieverskaffers wat glo hulle beamptes gyselaar gehou het by die Universiteit van Zoeloeland (Unizul).
Hulle het die intimidasie en gyselaarvoorval veroordeel wat glo Vrydag plaasgevind het.
Die beweerde voorval het gevolg na ‘n vergadering op 5 Maart tussen die NSFAS-subkomitee, bestuur van die universiteit en akkommodasieverskaffers.
NSFAS het tydens die vergadering gesê hulle sal beamptes stuur om akkommodasieverskaffers en studente te help met die proses om blyplek te reël. Dit was om te verseker die verskaffers word betaal.
Die beamptes is glo later gyselaar geneem en geïntimideer.
NSFAS het studente, kolleges en verskaffers herinner om akkommodasie te kry sodat die geld uitbetaal kan word. Dit volg na klagtes van die studente dat die geld direk aan hulle betaal moet word.
Bronne: IOL, VN Explorer, The Mail & Guardian
Lees ook: JK Rowling by polisie aangegee oor beweerde haatmisdaad
