Die Nasionale Instituut vir Oordraagbare Siektes (NIOS) sê die nuwe COVID-19-variant, bekend as Nimbus of NB.1.8.1, is in verskeie Asiatiese lande geïdentifiseer en is deur gesondheidsowerhede as ’n SARS-CoV-2-variant aangewys.
NIOS sê luidens ‘n sosiale mediaplasing het owerhede hierdie variant nog nie in Suid-Afrika aangetref nie.
Die voorkoming van die verspreiding van alle respiratoriese siektes bly egter belangrik. Die publiek word aangemoedig om goeie higiëne toe te pas deur hande gereeld te was, in ’n sneesdoekie of elmboog te hoes en om afstand the hou wanneer hulle siek is. Mense wat ernstig siek is, kan gerus maskers dra.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
