NOORD-KAAP. – Altesaam 30 nuwe polisiebakkies en mobiele gemeeskapsentrums is Donderdag by die honde-eenheid in Kimberley aan verskeie ander eenhede van die polisie oorhandig.
Lt.kol. Sergio Kock sê die oorhandiging sal help om by alle gemeenskappe in die provinsie uit te kom: “Die oorhandiging sal polisie-operasies versterk en help met die doeltreffende ondersoek van misdaad in die vyf distrikte regoor die provinsie.”
Drie ten volle toegeruste mobiele gemeenskapsentrums vir Frances Baard, Pixley Ka Seme en John Taolo Gaetsewe-ditriktre is in ontvangs geneem.
Altesaam 18 – 4 x 4 Isuzu bakkes en nege 4 x 2 dubbelkajuitbakkies vir alle tipes terreine is vir speurtakke van Carnarvon, Daniëlskuil, Niekerkshoop, Phillipstown, Prieska, Vosburg, Warrenton, Kathu, Augrabies, Kleinzee, Kogaga en Tsineng oorhandig. Die eenhede vir veediefstal en bedreigde spesies van Kimberley, Upington, Springbok, De Aar, asook die honde-eenheid, Kimberley se berede-eenheid en soek-en-reddingseenhede, het bakkies ontvang.
Polisielede is tydens die oorhandiging herinner om verantwoordelik en effektief met die hulpmiddele tot hulle beskikking op te tree om misdaad in die provinsie te bekamp.
