GORDONSBAAI. – Die manlike olifantsrob wat Dinsdagoggend opslae gemaak het toe hy in ‘n woonbuurt in Gordonsbaai opgedaag het, is intussen gesedeer en is op pad na Koggelbaai vir veilige vrylating terug in sy natuurlike omgewing.
KYK: Olifantrob kuier in Gordonsbaai
Volgens Belinda Abrahams, woordvoerder van die Kaap die Goeie Hoop DBV, is Suidelike olifantsrobbe is nie inheems aan Kaapstad nie. “Hulle is skaars besoekers van sub-Antarktiese streke en hulle teenwoordigheid op Suid-Afrikaanse strande hou gewoonlik verband met broei- of rusperiodes tydens lang oseaanreise. Die naaste gevestigde kolonie aan Kaapstad is op Marion-eiland, sowat 2,177 km ver.
Die DBV het saam met SANParke, die Stad Kaapstad se mariene eenheid, Two Oceans Aquarium en Shark Spotters, asook wetstoepassers en nooddienste, gewerk om dié reddingsaksie suksesvol te maak.
Waarnemings van olifantsrobbe in residensiële gebiede is uiters ongewoon.
