Lees ook: Keniaanse ‘reeksmoordenaar’ steeds soek
KENIA. – Die Ugandese Olimpiese atleet, Rebecca Cheptegei, is oorlede dae na haar voormalige kêrel haar met petrol gegooi en aan die brand gesteek het.
Cheptegei, wat in Parys aan die Olimpiese Spele deelgeneem het, is Sondag op pad terug van die kerk af deur haar voormalige kêrel aangeval. Sy het brandwonde oor 80% van haar liggaam opgedoen. Een van haar dogters het die aanval gesien en het om hulp geroep.
Haar voormalige kêrel, wat ook brandwonde oor 30% van sy liggaam opgedoen het, is nou deel van ‘n polisie-ondersoek oor die moord.
Cheptegei en haar kêrel het glo oor ‘n stuk grond baklei. Cheptegei se moord volg twee jaar na die dood van die atleet Damaris Mutua en die moord op die atleet Agnes Tirop in 2021.
Bronne: BBC, EWN, DW – South Africa
Lees ook: Keniaanse ‘reeksmoordenaar’ steeds soek
