Olimpiese atleet Rebecca Cheptegei nadoods deur Parys vereer

Lees ook: Olimpiese atleet dood na voormalige kêrel haar aan die brand steek

UGANDA. – Die burgemeester van Parys het gesê Rebecca Cheptegei gaan geëer word deur ‘n sportvenue na haar te vernoem. ‘n Beeld van die ontslape atleet is op ‘n reuseskerm aan die einde van die Paralimpiese Spele vertoon.

Cheptegei, wat verlede maand aan die vrouemarathon by die Paryse Olimpiese Spele deelgeneem het, is Donderdag in Kenia oorlede na haar voormalige kêrel haar Sondag buite haar huis ten aanskoue van haar kinders met petrol gegooi en aan die brand gesteek het.

Haar voormalige kerel, Dickson Marangach, is in die hospitaal met brandwonde.

‘n Begrafnis vir die Ugandese Olimpiese atleet sal op 14 September in Uganda plaasvind. Dit is die derde prominente Ugandese sportvrou wat sedert 2021 gewelddadig omgekom het.

Very sad news.

Olympic athlete Rebecca Cheptegei has died days after being doused in petrol and set on fire by a former boyfriend, a Ugandan official says. pic.twitter.com/4J3gMekJTU

— BBC Sport (@BBCSport) September 5, 2024

Bronne: Super Sport, eNCA, X, Head Topics

Lees ook: Olimpiese atleet dood na voormalige kêrel haar aan die brand steek