Die departement van korrektiewe dienste het ‘n senior beampte aangestel om beweringe van ryk gevangenes in die tronk wat spesiale behandeling ontvang, te ondersoek.
Singabakho Nxumalo, woordvoerder vir die departement, sê in ‘n verklaring die beweringe is veral teen Thoshan Panday by Westville-gevangenis gemaak.
Die ondersoeker sal vasstel of enige van die gevangenes buite die departement se beleid en standaarde tot hul voordeel behandel word.
Panday het vir 27 SAID-verwante bedrogaanklagte van ongeveer R7.5 m. in die Durban-hooggeregshof verskyn. Hy het ook saam met agt medebeskuldigdes op aanklagte van bedrog en korrupsie wat met die 2010 FIFA-Wêreldbeker verband hou, voorgekom. Beide die sake is tot 18 November uitgestel.
Henry Mamothame, woordvoerder vir die NVG, sê vir die 2010 FIFA-Wêreldbeker-verwante sake is die uitstel gegee vir regter Khosi Hadebe om te beslis oor die staat se verlof om te appelleer teen ‘n hofbevel wat hom verplig om sekere inligting aan die beskuldigde bekend te maak. Die beskuldigde het ‘n aansoek gebring wat die hof versoek om die beweerde onredelike vertragings in die saak te ondersoek.
Mamothame sê met die SAID-verwante saak is die saak uitgestel vir die openbaarmaking van die saakdossier.
