GAUTENG. – Linda Makhubo (34), ‘n onderwyser aan Hoërskool Tetelo in Soweto, is Maandag dood aangetref. Hy het glo op Woensdag, 4 Junie, ‘n saamrygeleentheiddiens bestel, waarna hy vir dae lank vermis was.
Steve Mabona, woordvoerder vir die onderwysdepartment in die provinsie, sê in ‘n verklaring aan Nuusflits die onderwyser se tragiese dood word betreur. Die oorledene het Engels en isiZulu aan gr. 11- en gr. 12-leerlinge gegee. Sy familie is glo Maandag van sy dood ingelig. Die polisie ondersoek die omstandighede van die onderwyser se dood.
Mabona bevestig die department het sy psigo-sosiale ondersteuningseenheid na die skool ontplooi om berading aan leerlinge en opvoeders te bied.
Volgens die departement was die opvoeder nie net ’n onderwyser nie, maar ook ‘n baken van hoop wat jong verstande moes bemagtig en inspireer om hul potensiaal te bereik.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
