LIMPOPO. – ‘n Onderwyser (58) is Maandag vir die beweerde verkragting van ‘n leerling (13) in die Capricorn-distrik gearresteer.
Brig. Hlulani Mashaba sê die inhegtenisneming is gemaak nadat lt.genl. Thebi Hadebe opdrag gegee het dat die verdagte gesoek en gearresteer moet word. Met ‘n behoorlike ondersoek deur die GKS-eenheid is bevind die meisie is ba bewering sedert November 2024 tot op hede verskeie kere verkrag.
Die onderwyser sal na verwagting Woensdag op ‘n aanklag van verkragting in die Mankweng-landdroshof voorkom. Hadebe het die inhegtenisneming verwelkom.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
