NOORD-KAAP. – Die polisie in Springok het Vrydag omstreeks 11:00 op tabakprodukte van ongeveer R1 m. in ‘n Bangladeshi-winkel beslag gelê nadat vyf winkels in Bergsig, Carolusberg en Okiep op Springbok besoek is.
Lt.kol. Sergio Kock sê die Springbok-honde-eenheid, grenspolisiëring, die departement van binnelandse sake en die Suid-Afrikaanse inkomste-diens doeane het die winkels besoek nadat inligting van beweerde onwettige sigarette ontvang is.
Die gesamentlike span het op 217 kartonne sigarette en ‘n groot hoeveelheid tabak met ‘n geraamde straatwaarde van ongeveer R1 m. beslag gelê.
Die eienaars is met ‘n sewe dag kennisgewing bedien om met die oorspronklike dokumentasie vir aankoop van die items na vore te kom.
