KWAZULU-NATAL. – ‘n Onskuldige vroulike omstander is Donderdagaand omstreeks 18:30 by Ruston Place, in Campbell’s Town, tydens ‘n beweerde padwoede-skietinsident gewond.
KZN VIP Protection Services sê die beheersentrum het oproepe oor ‘n skietinsident ontvang. Met reaksiebeamptes se aankoms op die toneel is hulle ingelig daar was ‘n dispuut tussen die bestuurders van twee voertuie. Dit is onbekend hoeveel persone in die dispuut betrokke was, maar een het glo ‘n skoot met ‘n vuurwapen geskiet, waartydens die vroulike omstander getref is. Sy het op die toneel mediese behandeling ontvang, waarna sy na ‘n mediese fasiliteit vervoer is.
Alle nooddienste was op die toneel teenwoordig.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
