GAUTENG. – Die ontbinde liggame van twee mans, ‘n vrou en twee honde, is op 17 April omstreeks 15:00 in ‘n huis in Suikerbosstraat, Golf Park, Meyerton, ontdek.
Konst. Tlaleng Moloi sê die publiek het die polisie van die huis, wat deur vlieë omring is, laat weet. Meyerton-polisielede was op die toneel waar vlieë oral op die vensters en om die huis was. Ontbinde liggame is in die huis ontdek.
Die oorsaak van die sterftes word ondersoek. ‘n Geregtelike doodsondersoek is geopen.
Enigiemand met inligting van die voorval word versoek om AO Kekana by 073 780 9154 te kontak.
