NOORDWES. – Die polisie ondersoek ’n noodlottige ontploffing waartydens ‘n 22-jarige man Saterdagaand in Promosa naby Ikageng in Potchefstroom dood is.
Luidens ‘n verklaring van polisiewoordvoerder, konst. Thuto Bobelo, sê ‘n ooggetuie die man was besig om met ‘n elektriese slypmasjien metaal in sy erf te sny, toe ’n ontploffing plaasgevind het. Die man het met veelvuldige oop wonde op die grond gelê en nie gereageer nie. Hy is na die Promosa-kliniek geneem waar hy met aankoms dood verklaar is.
Deskudiges van die polisie se springstofeenheid was ten tyde van die onersoek op die toneel teenwoordig. Skrapnel, wat met 'n neusontsteker van 'n ploftoestel (nose fuse of an explosive ordnance disposal (EOD) device) ooreenstem, is gevind.
