Lees ook: DRK-weermag keer poging tot staatsgreep
President Cyril Ramaphosa het die week aangekondig die ontplooiing van die weermag by Eskom se kragstasies en hulp aan die polisie teen onwettige mynbedrywighede gaan verleng word.
Die verlenging van die ontplooiing van meer as 3 000 weermagtroepe kos meer as R553 miljoen.
Ramaphosa het dié verlenging van die ontplooiing van 746 weermaglede by Eskom in twee briewe op 15 Mei aan die parlement bekendgemaak. Die weermagtroep sal tot 31 Maart 2025 by Eskom aangewend word. Die koste daarvan is R203.9 m.
In die tweede brief het die president aangekondig die 2 300 weermaglede wat die polisie in die bekamping van onwettige mynbedrywighede help, sal nou tot 31 Oktober ontplooi wees. Die koste daarvan beloop R349.9 m.
Bronne: IOL, BusinessLIVE, African Insider
Lees ook: DRK-weermag keer poging tot staatsgreep
