OOS-KAAP. – Alize van der Merwe (39) is omstreeks 12:15 saam met nog ‘n slagoffer (34) naby Sulenkama-polisiestasie afgelaai.
AO Mhlakuvana Ndiphiwe het die nuus aan Nuusflits bevestig. Die twee slagoffers is deur ‘n wit enkelkajuit-bakkie afgelaai.
“Hul vrylating kom ná die druk wat die polisie op die verdagtes uitgeoefen het.”
Ndiphiwe sê die slagoffers is getraumatiseer en gaan eers vir mediese aandag na die naaste hospitaal geneem word. Beide is na bewering gedurende September ontvoer.
Die saak word steeds ondersoek.
Nuusflits het voorheen soos volg berig.
Mike Bolhuis van Specialised Security Services het ook bevestig Van der Merwe is veilig gevind.
*Nuusflits is intussen deur Aldiana van der Merwe, Alize van der Merwe se skoonsuster, gekontak. Sy het bevestig hulle is gevind en gered, nie afgelaai nie.
