Onwettige myners brand glo vragmotor van Ekapa uit

‘n Vragmotor van Ekapa-myn is na bewering nounet in Kimberley by die Samaria-pad (Hullstraat) deur onwettige delwers aan die brand gesteek. Kobus Bester, ‘n leser, sê aan FiND iT hy was op pad Midas toe. “Die vragmotor het in die pad gestaan. Ek het gesien die bestuurder is uit...

‘n Vragmotor van Ekapa-myn is na bewering nounet in Kimberley by die Samaria-pad (Hullstraat) deur onwettige delwers aan die brand gesteek.

Kobus Bester, ‘n leser, sê aan FiND iT hy was op pad Midas toe. “Die vragmotor het in die pad gestaan. Ek het gesien die bestuurder is uit die vragmotor uit. Hy het gelukkig weggekom. Mense het in hordes uit die veld uit hulle plakkerskampe gehardloop en brandende goed in die vragmotor gegooi.”

Bester sê hy het ‘n redelike ent daarvan af gestaan. Die polisie het op die toneel aangekom en hy het gery.

Kapt. Tessa Jansen, polisiewoordvoerder, sê aan FiND iT die polisie was vinnig op die toneel en die verdagtes het weggehardloop.

“Dis onwettige delwers wat die drade van die omheining van Ekapa geknip het. Die polisie het hulle uitmekaar gedryf. Die onwettige delwers het al (begin moeilikheid maak) in Greenpoint. Hulle het toe een van die vragmotors van Ekapa aan die brand gesteek.”

Jansen sê die polisie hou die gebeure dop en is op bystand vir as nog geweld uitbreek.

Rudi Claase stel ‘Afrikaans het Gees’ weens swak gesondheid uit

Seun se familie opgespoor

Twee vir ‘knopkieriemoord’ in aanhouding

Werner de Jager in tronk dood

Werksgeleentheid: Logistieke Bestuurder

Werksgeleentheid: Finansiële Bestuurder

Man wat met dubbelmoord-ondersoek kan help, gesoek

Steve se Janine deel haar diagnose

Ontvoerde slagoffers gered, drie verdagtes op verskeie aanklagte vasgetrek

Hulp gevra oor seun wat in vreemde huis wakker word

Vrou glo met meer as R3 m. dwelms betrap, in hegtenis

Vermiste ouma in vlak tuingraf gevind, kleinseuns in arres

Onbekende man en vrou sterf in motorfietsongeluk – naasbestaandes gesoek