ISRAEL. – Die oorskot van ’n swemmer, moontlik die een wat Maandag deur ’n haai in Hadera, Israel, aangeval is, is gevind.
Lees ook: Man vermis na haaiaanval in Israel
Die oorskot is na die nasionale sentrum van forensiese medisyne in Tel Aviv gestuur om amptelik ondersoek en identifiseer te word.
Die man, ’n pa van vier, is Maandag doelbewus na Olga-strand, waar swem verbode is, om saam met die haaie in die see saam te swem. ’n Vriend het getuig die man wou saam met die haaie swem omdat hy ’n haai-entoesias is. Kort na hy die water ingegaan het, het hy begin skree: “Help, hulle byt my!” voor die water om hom rooi geraak het en hy verdwyn het.
Owerhede het mense in Israel weer daaraan herinner om weg te bly van haaie, wat ’n beskermde spesie is.
Bronne: The Sun, Daily Mail, The Mirror
Lees ook: Man vermis na haaiaanval in Israel
