BEIJING. – Altesaam 31 inwoners van ’n ouetehuis het die week in Beijing omgekom ná vloedwater die tehuis oorstroom het. Na wat berig word, kon die meeste van die inwoners wat dood is nie meer loop nie.
Lees ook: Tsoenami-waarskuwings afgeskaal in sommige gebiede
Beijing ervaar dié somer uiterste weersomstandighede, wat volgens kenners die gevolg van klimaatsverandering is.
Plaaslike owerhede het erken daar was “kortpaaie in noodbeplanning” en dat die voorval ’n “pynlike les” was.
Volgens Chinese media was 77 mense, insluitend werkers, in die ouetehuis toe die plek oorstroom het. Sowat 40 van hulle was vasgekeer toe watervlakke tot byna 2 m gestyg het. Noodwerkers in bote het 48 mense gered deur hulle by die vensters uit te trek.
’n Totaal van 44 mense is in Beijing in die oorstromings oorlede en 28 mense in Miyun. In Hebei is 16 mense dood en agt is in Chengde dood, met 18 wat steeds vermis is.
Bronne: BBC, Euronews, NBC News
Lees ook: Tsoenami-waarskuwings afgeskaal in sommige gebiede
