INTERNASIONAAL. – Verskeie tsoenami-waarskuwings is afgeskaal ná vanoggend se aardbewing met ‘n sterkte van 8.8 op die Richterskaal.
Lees ook: Nog tsoenami-waarskuwings uitgereik
Die Pacific Tsunami Warning Centre het die waarskuwing vir Hawaii afgeskaal met waarskuwings oor sterk golwe, getye en oorstromings, maar geen groot tsoenami word verwag nie.
Die waarskuwings vir Guam, Rota, Tinian en Saipan is gekanselleer, met geen verdere bedreiging deur ‘n tsoenami vir die gebiede nie.
Die Filippyne se tsoenami-waarskuwings is deur die land se departement van tegnologie en wetenskap gekanselleer.
Japan het die waarskuwing vir ‘n tsoenami vanaf Kanto tot Wakayama afgradeer, maar die hoërvlak waarskuwing geld steeds vir dele van Hokkaido en Tohoku.
Tsoenami-golwe is besig om te bou langs dele van die Kaliforniese kus met golwe wat tot 1.09 m bereik het.
Franse Polinesiese owerhede het die voorspelling vir die maksimum golfhoogte vir Nuku Hiva-eiland tot 4 meter verhoog.
Ander eilande naby Nuka Hiva kan deinings tussen 0.6 m en 0.9 m verwag.
Inwoners in Chocó en Nariño aan die ooskus van Colombië is beveel om te ontruim.
Dit is moontlik dat die tsoenami-golwe en waarskuwings tot minstens môre sal voortduur.
Bronne: BBC, News18, The Independent
Lees ook: Nog tsoenami-waarskuwings uitgereik
