KZN. – Ouers in KZN word aangemoedig om siek kinders by die huis te hou na 36 gevalle van hand-voet-en-mondsiekte in Durban bevestig is.
Lees ook: Leerlinge in KZN het hand-voet-en-mondsiekte
Altesaam 36 gevalle is in verskeie gebiede, insluitend Phoenix, Greenwood Park en Umhlanga, by verskeie laerskole en dagsorgsentrums aangemeld.
Volgens die departement versprei die siekte deur direkte kontak met die siek persoon of direkte kontak met vloeitstowwe uit die persoon se neus of mond. Die siekte kan ook versprei as items wat deur die siek persoon aangeraak is, hanteer word.
Simptome sluit in ‘n koors, seer keel, moegheid, blase in die mond, op die tong, op die palms van hande of op die onderkant van voete.
Bronne: IOL, ECR, The Citizen
