NOORD-KAAP. – Lettie Lourance (69) het op 3 September gesterf nadat sy deur ‘n voertuig op ‘n sypaadjie in Kimberley gestamp is. Sy het saam met haar kinders en kleinkinders in Ravenstraat, Roodepan, gestap toe die voorval omstreeks 20:00 plaasgevind het.
Volgens lt.kol. Sergio Kock is Lourance van agter deur ‘n maroenkleurige of rooi luikrugvoertuig getref. Die bestuurder het na die voorval gevlug, en die polisie ondersoek tans ‘n saak van strafbare manslag.
Die Roodepan-polisie vra die publiek se hulp om inligting oor die voorval te verskaf. Enigiemand met leidrade word versoek om kapt. Teno Slambert by 071 675 4427 of speur.sers. Mojalefa Setlai by 073 793 8583 te kontak.
