LIMPOPO. – ‘n Oupa (68) is vir 20 jaar deur die Groblersdal-streekshof tronk toe gestuur nadat hy sy stief-kleindogter (7) verkrag en skuldig bevind is.
Volgens kol. Malesela Ledwaba het die oupa die kleindogter gedurende Maart 2023 verkrag. Hy het vir die slagoffer se ma gewag om die huis te verlaat en dan die kind in haar kamer verkrag. Na ‘n paar keer het die slagoffer haar ma van die verkragting vertel wat haar dokter toe geneem het. Die kind se ma het daarna ‘n saak by die polisie aangemeld, waarna die oupa in hegtenis geneem en vir verkragting aangekla is.
Lt.genl. Thembi Hadebe, die provinsiale kommissaris, het die ondersoekwerk deur speur.sers. Pebetse Maile van Groblersdal-GKS wat tot die direkte vonnis van 20 jaar gelei het, geprys.
