OOS-KAAP. – ‘n Pa (50) wat glo Sondag sy seun Bryton Engelbrecht (18) doodgesteek en homself as verdagte aan die polisie oorgegee het, is in hegtenis geneem.
Kapt. Sandra Janse van Rensburg sê die polisie is omstreeks 11:00 uit na ‘n klagte van ‘n seun wat reeds 07:00 met ‘n steekwond opgeneem en in ‘n provinsiale hospitaal gesterf het. Die seun het ‘n steekwond in die rug gehad.
Die oorledene se pa het homself aan die Kamesh-polisie oorhandig. Hy sal na verwagting Dinsdag in die Kamesh-landdroshof verskyn.
