MPUMALANGA. – ‘n Pa (62) is Sondag omstreeks 17:00 by sy huis buite Malelane doodgesteek. Sy seun (24) het ook glo selftoegediende messteekwonde gehad.
Kapt. Magonseni Nkosi sê die pa en seun het saam gewoon. Hule het glo vroeër die dag ‘n argument gehad wat opgelos is. Na kerk het die verdagte na bewering die oorledene die huis ingeroep, ‘n mes gevat en sy pa herhaaldelik gesteek. Die verdagte het probeer vlug, maar is deur lede van die gemeenskap, wat die pa teen trappe sien val het, aangekeer en die polisie is ontbied.
Die verdagte het homself glo gesteek. Sy pa is op die toneel dood verklaar.
Die verdagte sal vandag op ‘n aanklag van moord in die Nkomazi-landdroshof verskyn.
