LIMPOPO. – Die reeds gevorderde ontbindende liggame van ‘n man (33) en ‘n vrou (24) is Saterdag in ‘n huis in Northam aangetref. Die polisie is besig met ‘n moord- en geregtelike doodsondersoek.
Kol. Malesela Ledwaba sê die grusame ontdekking is gemaak, nadat die paar op Kersdag kort voor 24:00 laas by ‘n plaaslike kroeg gesien is. Die paar was in ‘n verhouding en het saamgewoon. Volgens inligting is die liggaam van die vrou in die bed aangetref en dié van die man het aan die dak gehang.
Ledwaba sê terwyl die motief vir die insident ondersoek word, kan huishoudelike geweld nie uitgesluit word nie.
Die identiteit van die oorledenes sal mettertyd bekend gemaak word. Intussen duur die ondersoek voort.
