GROENPUNT, WES-KAAP. – ’n Paartjie van Groenpunt is Saterdagmiddag kort na 18:00 glo met pepersproei gespuit terwyl hulle in Strandweg gestap het. Die voorval het na bewering oorkant Chartleigh House plaasgevind.
Volgens The Atlantic Seaboard Community Forum op Facebook het die man en sy vrou op die sypaadjie by Drieankerbaai gestap toe twee mans van voor af na hulle geloop het.
Een van die mans het hulle na bewering met pepersproei probeer spuit terwyl die ander verdagte glo die vrou se man begin skop het.
Insittendes van ’n nabygeparkeerde motor het alarm gemaak en die twee verdagtes het gevlug.
Bronne: Atlantic Seaboard Community Forum, Cape Town Etc
