OOS-KAAP. – Julius Malema, die EFF-leier, is tot vyf jaar direkte tronkstraf deur die Oos-Londen-landdroshof gevonnis. Malema is van plan om te appeleer.
AfriForum sê landdros Twanet Olivier het die vonnis van vyf jaar opgelê op die hoofaanklagte, wat die roekelose afvuur van ’n vuurwapen in ’n beboude gebied insluit. Die hof het ook ’n bykomende vonnis van twee jaar opgelê vir die tweede aanklag, die onwettige besit van ammunisie. Volgens AfriForum beteken dit ’n effektiewe vonnis van tussen vyf en sewe jaar, afhangend van hoe die strawwe saamgevoeg word. Die organisasie sê verder die vonnis is nie opgeskort nie en behels direkte gevangenisstraf. Hulle voeg by dat Malema se regspan reeds aangedui het dat hulle teen die uitspraak gaan appelleer. Daar word ook beweer dat Malema waarskynlik borgtog hangende die appèl sal kry, wat beteken hy kan intussen vry bly. AfriForum sê verder indien die vonnis bekragtig word, kan dit moontlik sy setel as lid van die Parlement beïnvloed.
Kyk na die vonnisoplegging hier onder. Nuusflits sal wanneer meer inligting bekend is, dit met lesers deel.
