GAUTENG. – ‘n Embraer 135-passasiersvliegtuig wat uit diens is, word vandag (Dinsdag) deur Airlink aan die Rhodesfield-ingenieurskool vir spesialisasie in Kempton Park oorhandig.
Steve Mabona, woordvoerder vir die Gauteng-onderwysdepartement, sê die vliegtuig sal as ‘n unieke vaardigheidsopleidingshulpbron in lugvaart vir leerlinge aan die skool dien. Dit sal hulle in staat stel om praktiese ervaring in die lugvaarsektor op te doen, met ‘n werklike vliegtuig op die skoolperseel.
Mabona sê Matome Chiloane, die LUR vir onderwys, sal die amptelike oorhandiging om 10:00 by die skool lei.
