KWAZULU-NATAL. – Een persoon het ‘n kort rukkie gelede gesterf en 16 ander is beseer toe ‘n bakkie en ‘n taxi op die R614 naby Wartburg in ‘n botsing reg van voor betrokke was.
Midlands EMS sê die diens is omstreeks 11:30 na die ongelukstoneel gestuur. Een persoon het geen tekens van lewe getoon nie en is op die toneel dood verklaar. Nog 16 ander insittendes is kritiek tot matig beseer.
Alle beseerdes is op die toneel behandel voordat hulle vir verdere mediese hulp na ‘n hospitaal vervoer is.
Owerhede is op die toneel teenwoordig.
