MPUMALANGA. – Role Uys, ’n bejaarde vrou, wat alleen op ’n plaas naby Carolina boer, is Woensdagaand deur vyf verdagtes aangeval toe sy by haar huis aangekom het.
Ian Cameron, voorsitter vir die portfoliokomitee van die polisie, misdaadaktivis en lid van die parlement, sê op sosiale media ondanks die feit dat sy deur een van die aanvallers gebyt is, het sy terugbaklei en self die aanvaller gebyt. Sy het daarin geslaag om te ontsnap deur met haar voertuig deur die plaashek te jaag. Sy was tydens die aanval ongewapen.
“Haar dapperheid het ongetwyfeld haar lewe gered. Verdere besonderhede sal volg. Bly waaksaam en ondersteun plaaslike veiligheidstrukture,” sê Cameron.
Nuusflits het polisiekommentaar gevra.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by nuus@nuusflits.com
