KWAZULU-NATAL. – ‘n Groot plas water het Sondag veroorsaak dat ‘n voertuig waarin drie persone gereis het op die M25 naby KaMashu beheer verloor en teen ‘n wal af is. Al drie insittendes het beserings opgedoen.
Reaction Unit South Africa sê ‘n beampte was omstreeks 07:30 op patrollie toe hy ‘n swart Daihatsu-sportnutsvoertuig opgemerk het wat teen ‘n wal af is.
Die beampte het gevind al drie die insittendes het beserings opgedoen. Hulle is deur paramedici van ‘n privaat ambulansdiens behandel voordat hulle na ‘n hospitaal geneem is.
Die voertuig het ‘n groot plas water getref, waarna die bestuurder beheer verloor en in digte bosse teen ‘n wal af is. Die bestuurder is nie beseer nie.
