NOORD-KAAP. – Simbarashe Chimbowa (30), oorspronklik van Zimbabwe, is laas op 21 Julie 2025 omstreeks 19:00 by sy huis in Kagisho, Galeshewe, Kimberley, gesien. Die Galeshewe-polisie doen ’n beroep op die publiek om te help met die opsporing van die bestuurder wat steeds vermis is.
Lt.kol. Sergio Kock sê Chimbowa is Engels- en Shona-sprekend, donker van gelaatskleur, het ’n baard, is 1,79 meter lank en maer van postuur. Hy bestuur ’n blou Ford Comfort met registrasienommer DDH 295 NC. Hy was in ’n rooi trui en groen sweetpakbroek geklee toe hy werk toe is.
Kock sê die ondersoek duur voort. Enigiemand met relevante inligting van waar Cimbowa hom moontlik bevind, kan AO Isaac Sane by 082 469 0193 of AO Christopher Botha by 082 469 0203 bel. Die publiek word herinner dat daar geen wagtyd is om ’n persoon as vermis aan te meld nie.
