LIMPOPO. – Die polisie het Nuwejaar ‘n groot dwelmvangs op die R510 gemaak en twee buitelandse verdagtes in hegtenis geneem toe hulle glo met heroïen in ‘n bakkie van Tanzanië na Thabazimbi onderweg was. Daar is op die heroïen met ‘n geraamde straatwaarde van R3 miljoen beslag gelê.
Volgens brig. Hlulani Mashaba sê die polisie het inligting opgevolg en ‘n aansienlike hoeveelheid heroïen in ‘n vals kompartement van die bakkie ontdek. Die verdagte mans, onderskeidelik 55 en 56 jaar oud, is vasgetrek. Verdere ondersoek word gedoen om die netwerk agter hierdie beduidende dwelmsmokkeloperasie te ontrafel.
Die polisie versoek enigeen met bykomende inligting oor hierdie saak om vorentoe te kom en te help in die voortgesette ondersoek.
Foto’s: SAPD
Foto’s: SAPD
Bron: SAPD
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel
