WES-KAAP. – ‘n Polisie-opleidingsbeampte verbonde aan die Phillipi-opleidingsakademie is Sondag deur Opod, die polisiewaghond, op aanklag van verkragting van ‘n vroulike rekruut, in hegtenis geneem.
Phaladi Shuping, Opod-woordvoerder, sê voor die beweerde verkragting op 31 Maart het die opleidingsbeampte die vroulike rekruut na sy kantoor ontbied. Sy het glo voorheen verskonings uitgedink om nie daarheen te gaan nie. Na bewering is die deur gesluit toe sy binne was en sy is deur die opleidingsbeampte verkrag.
Die rekruut het die voorval eers ‘n paar dae later aangemeld, waarna dit vir ondersoek aan Opod rapporteer is.
Die opleidingsbeampte het in die Wynberg-landdroshof verskyn, waarna die saak vir formele borgaansoek tot 2 Mei uitgestel is.
