Polisie skiet gesoekte verdagte dood

Lees ook :

Foto: Ter illustrasie Canva

MPUMALANGA. – ‘n Gesoekte verdagte (39) is Donderdag net voor middernag tydens ‘n skietery met die polisie in Dennilton doodgeskiet.

Kol. Donald Mdhluli sê inligting oor die gesoekte verdagte vir beweerde aanklagte van gewapende rooftogte in verskeie areas is opgevolg.

“Tydens ‘n goed gekoördineerde operasie en intensiewe ondersoekpogings het lede die verdagte in Denilton in ‘n hoek vasgekeer.”

Die verdagte het glo op die polisielede geskiet en hulle het teruggeskiet. ‘n Polisielid het beserings opgedoen en moes vir dringende behandeling na ‘n mediese fasiliteit geneem word.

“In reaksie op die bedreiging is ‘n verdedigingsmaneuver uitgevoer om onskuldige omstanders en lede te beskerm.

Die verdagte is noodlottig gewond. Gedurende die skietery is ‘n 13-jarige beseer wat vermoedelik deur ‘n dwaalkoeël veroorsaak kon wees. Hy is ook vir behandeling na ‘n hospitaal geneem.

‘n Vuurwapen is op die toneel gevind wat forensies ondersoek sal word.

Die polisiewaghond Opod sal die skietvoorval ondersoek.

Detecting your platform...

Klik hier om ons toep af te laai Nuusflits App