LIMPOPO. – Die Valke in Polokwane het Donderdag in samewerking met verskeie eenhede op ‘n beweerde vuurwapen-opleidingsfasiliteit toegeslaan.
Verskeie vuurwapens en ammunisie is deur die Valke, OOP, PKRS, TRT en sigbare polisiëring gekonfiskeer.
Na bewering het die Valke ‘n wenk van ‘n verdagte opleidingskamp op ‘n plaas in Modimolle ontvang.
Tydens die operasie is verskeie gelisensieerde gewere, pistole en ammunisie, wat glo tydens opleiding gebruik is, gekonfiskeer.
Die polisie sê die doel van die opleiding is nie duidelik nie, maar militêr-verwante opleiding kan nie uitgesluit word nie.
Dit word ondersoek hoe die vuurwapens en ammunisie op die plaas gekom het.
Geen arrestasies is gemaak nie.
