VRYSTAAT. – Die Bethlehem-polisie vra die hulp van die gemeenskap om die vermiste egpaar pastoor Phillip Mashudu (55) en Elsie Matlou Mashudu (54), op te spoor.
AO Mmako Mophiring sê die egpaar het hulle huis Vrydag verlaat om ‘n kerkkonferensie in Parys by te woon. Die egpaar het met hulle wit Mercedes-Benz, met registrasienommer ALTAR FS, gery.
Die pastoor was in ‘n blou denimbroek en sy vrou in ‘n swart denimbroek met ‘n swart trui geklee.
Enigiemand wat weet waar die egpaar hulle bevind, word gevra om lt.kol. Nel by 082 526 2717 te bel.
