WES-KAAP. – Die Demokratiese Alliansie (DA) sê hulle verwelkom dat lt.genl. Thembisile Patekile, die provinsiale kommissaris, Woensdag voor die gekose komitee van veiligheid en justisie moet verskyn om antwoorde te gee oor ’n reeks ontsnappings uit polisie-aanhouding in die laaste kwartaal van 2025.
Luidens ‘n verklaring van Nicholas Gotsell, DA-MP, het voorvalle van ontsnapping in Wynberg, Strand, Bellville, Seepunt en Robertson mense se vertroue in die polisie ernstig geskend. Die kommissaris het grotendeels stilgebly, wat die parlement moes laat ingryp. Die verskyning gee die DA die kans om antwoorde te kry oor die ontsnappings en swak beheer. Gotsell sê voorts ‘n beampte werk steeds by Athlone-polisiekantoor, ten spyte van beweerde betrokkenheid by onwettige aktiwiteite soos dwelmsmokkel tussen Pollsmoor- en Athlone-polisieselle – die besluit versterk ’n kultuur van straffeloosheid. Hy sê gemeenskappe wat aan misdaad blootgestel word, verdien beter. Die DA sal die kommissaris aanspreeklik hou en druk uitoefen vir ’n professionele en betroubare polisiediens.
Druk hier om die volledige verklaring te lees.
