PIENAAR. – ’n Polisiekonstabel is gisteraand hier in Phakane doodgeskiet.
Lees ook: Soektog na Madeleine McCann amptelik opgeskort
Volgens ‘n verslag is die slagoffer, konst. Donald Mathebula, in sy privaat-voertuig in sy uniform gekry ná die polisie ’n oproep oor ’n skietery ontvang het. Hy is met sy aankoms by die hospitaal dood verklaar.
Luidens die verklaring is in ‘n voorlopige ondersoek bevind dat Mathebula by ’n spazawinkel stilgehou het toe drie gewapende verdagtes met balaklawas aan op hom geskiet het.
Mathebula het probeer wegry, maar hy is getref en het beheer oor die voertuig verloor voordat hy teen ’n boom en ‘n muur gebots het. Niks is gesteel nie en die verdagtes het gevlug.
Luidens die verklaring het die verdgtes Mathebula klaarblyklik ingewag, maar die motief vir die moord is onbekend. Die ondersoek duur voort.
Bronne: SAPD
