NOORDWES. – Twee verdagtes, onderskeidelik 35 en 37 jaar oud, wat glo Vrydag in die proses was om vermoedelike gouddraende materiaal te raffineer, is gearresteer. Daar is later ontdek een is ‘n polisiekonstabel.
Kol. Adéle Myburgh sê die twee verdagtes is tydens ‘n Vala Umgodi-operasie in ‘n smeltery in Khuma vasgetrek. Met verdere ondersoek is bevind die een verdagte, wat van regsverydeling aangekla word, is ‘n konstabel. Beide die verdagtes sal boonop vandag op aanklagte van sameswering om ‘n misdryf te pleeg, die onwettige raffineer van goud sonder ‘n permit en besit van onbewerkte gouddraende materiaal in die Stilfontein-landdroshof verskyn.
“Tydens die operasie is daar op onwettige myntoerusting, soos ‘n suurstofbottel, LPG-gasbottel, ‘n skaal en vermoedelik gouddraende materiaal, beslag gelê.”
