WES-KAAP. – Prof. Firoz Cachalia, polisieminister, dr. Polly Boshielo, adjunkminister van polisie, en Andries Nel, die adjunkminister van justisie en grondwetlike ontwikkeling, ontmoet vandag (Dinsdag) rolspelers in Mitchells Plain en Mfuleni oor voortslepende bendegeweld.
Volgens die polisie vorm die gesprekke deel van die justisie-, misdaadvoorkoming- en veiligheidsgroep (JCPS) se pogings om praktiese, gemeenskapsgedrewe ingrypings te implementeer om bendegeweld te bekamp en veiligheid te bevorder. Die inisiatief het ook ten doel om interdepartementele samewerking te versterk en volhoubare vennootskappe met geraakte gemeenskappe te bou.
Die vergadering vind om 16:30 by die Mfuleni-polisiekantoor plaas.
