Die waarnemende minister van polisie, Firoz Cachalia, het vanoggend met die bestuur van die polisie vergader om die land se gereedheid vir die beplande betogings op 30 Junie 2026 te bespreek.
Cachalia het saam met lt.genl. Puleng Dimpane, die waarnemende nasionale polisiekommissaris, gedetailleerde operasionele planne ontvang wat daarop gemik is om te verseker dat die betogings vreedsaam en veilig verloop. Volgens die minister is hy tevrede met die voorbereidings wat reeds getref is. Hy sê die polisie is gereed om wet en orde te handhaaf, terwyl die reg op vreedsame protes steeds gerespekteer sal word. Hy het egter gewaarsku dat enige vorm van geweld, intimidasie of misdaad nie geduld sal word nie, en dat wetstoepassing streng toegepas sal word waar nodig.
Die minister het ook bevestig dat verdere vergaderings volgende week met die minister van verdediging, provinsiale premiers en private sekuriteitsrolspelers sal plaasvind om beter samewerking en koördinasie voor die betogings te verseker.
Druk hier om meer te lees.
