NASIONAAL. – Prasa het ‘n ondersoek, ten opsigte van wanadministrasie en wanpraktyke, wat deur die spesiale ondersoekeenheid (SIU) uitgevoer sal word, verwelkom.
Die ondersoek gaan oor die toekenning van tenders aan Swifambo Rail wat lokomotiewe aan Prasa voorsien het, asook Siyangena Technologies vir die verskaffing en instandhouding van ‘n geïntegreerde sekuriteitstoegangsbestuurstelsel. Onbehoorlike en onwettige optrede van werknemers sal ook deel van die ondersoek uitmaak.
Die ondersoek sal in terme van die voorkoming en bekamping van korrupte aktiwiteite plaasvind.
Beweerde bedrieglike aanspreekliheidseise wat uitbetaal is en sprake van sogenaamde spookwerkers in die organisasie, alhoewel reeds intern ondersoek, sal ook deel van die SIU-ondersoek wees.
