Lees ook: Altesaam 22 dood in Israeliese aanval op skool in Gaza
NAIROBI, KENIA. – ‘n Beweerde reeksmoordenaar is in Nairobi, Kenia, in hegtenis geneem na die liggame van nege vrouens in ‘n asgat gevind is.
Volgens die polisie het Collins Jomaisi Khalusha (33) erken hy het 42 vrouens, insluitend sy vrou, sedert 2022 doodgemaak. Hy is gister in hegtenis geneem na die polisie een van sy slagoffers se foon gebruik het om hom vas te trek. Geld is uit haar rekening na syne oorgeplaas.
“Khalusha het erken hy het 42 vrouens gelok, vermoor, opgekap en die liggame in die asgate gelos. Hy het gesê hy het Donderdag die nuutste slagoffer doodgemaak,” aldus Mohamed Amin van die Direktoraat vir Misdaadondersoeke.
Die liggame is Vrydag ontdek. Khalusha het die polisie na sy huis geneem waar 10 selfone, ‘n skootrekenaar, identiteitskaarte en vrouens se klere gevind is. En ook ‘n kapmes wat hy gebruik het om die liggame op te kap.
Bronne: BBC, The Independent, CBS News
Lees ook: Altesaam 22 dood in Israeliese aanval op skool in Gaza
